భక్తివెంకటేశ్వరుడు

संस्कृतम् · Prativadi Bhayankaram Annan, traditional attribution

శ్రీవేఙ్కటేశసుప్రభాతమ్

Venkatesa Suprabhatam

లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.

  1. కౌసల్యా సుప్రజా రామ పూర్వా సన్ధ్యా ప్రవర్తతే ఉత్తిష్ఠ నరశార్దూల కర్తవ్యం దైవమాహ్నికమ్ ॥ ౧ ॥

  2. ఉత్తిష్ఠోత్తిష్ఠ గోవిన్ద ఉత్తిష్ఠ గరుడధ్వజ । ఉత్తిష్ఠ కమలాకాన్త త్రైలోక్యం మఙ్గలం కురు ॥ ౨ ॥

  3. మాతస్సమస్తజగతాం మధుకైటభారేః వక్షోవిహారిణి మనోహరదివ్యమూర్తే । శ్రీస్వామిని శ్రితజన-ప్రియదానశీలే శ్రీవేఙ్కటేశదయితే తవ సుప్రభాతమ్ ॥ ౩ ॥

  4. తవ సుప్రభాతమరవిన్దలోచనే భవతు ప్రసన్న-ముఖచన్ద్ర-మణ్డలే । విధిశఙ్కరేన్ద్ర-వనితాభిరర్చితే వృషశైలనాథదయితే దయానిధే ॥ ౪ ॥

  5. అత్ర్యాదిసప్తఋషయస్సముపాస్య సన్ధ్యా- -మాకాశసిన్ధుకమలాని మనోహరాణి । ఆదాయ పాదయుగమర్చయితుం ప్రపన్నాః శేషాద్రిశేఖరవిభో తవ సుప్రభాతమ్ ॥ ౫ ॥

  6. పఞ్చాననాబ్జభవ-షణ్ముఖవాసవాద్యాః త్రైవిక్రమాదిచరితం విబుధాః స్తువన్తి । భాషాపతిః పఠతి వాసరశుద్ధిమారాత్ శేషాద్రిశేఖరవిభో తవ సుప్రభాతమ్ ॥ ౬ ॥

  7. ఈషత్ప్రఫుల్ల-సరసీరుహ-నారికేల- -పూగద్రుమాది-సుమనోహర-పాలికానామ్ । ఆవాతి మన్దమనిలః సహ దివ్యగన్ధైః శేషాద్రిశేఖరవిభో తవ సుప్రభాతమ్ ॥ ౭ ॥

  8. ఉన్మీల్య నేత్రయుగముత్తమ-పఞ్జరస్థాః పాత్రావశిష్ట-కదలీఫల-పాయసాని । భుక్త్వా సలీలమథ కేలిశుకాః పఠన్తి శేషాద్రిశేఖరవిభో తవ సుప్రభాతమ్ ॥ ౮ ॥

  9. తన్త్రీప్రకర్షమధురస్వనయా విపఞ్చ్యా గాయత్యనన్తచరితం తవ నారదోఽపి । భాషాసమగ్రమసకృత్కరచారురమ్యం శేషాద్రిశేఖరవిభో తవ సుప్రభాతమ్ ॥ ౯ ॥

  10. భృఙ్గావలీ చ మకరన్ద-రసానువిద్ధ- -ఝఙ్కారగీత-నినదైః సహ సేవనాయ । నిర్యాత్యుపాన్త-సరసీ-కమలోదరేభ్యః శేషాద్రిశేఖరవిభో తవ సుప్రభాతమ్ ॥ ౧౦ ॥

  11. యోషాగణేన వరదధ్నివిమథ్యమానే ఘోషాలయేషు దధిమన్థనతీవ్రఘోషాః । రోషాత్కలిం విదధతే కకుభశ్చ కుమ్భాః శేషాద్రిశేఖరవిభో తవ సుప్రభాతమ్ ॥ ౧౧ ॥

  12. పద్మేశమిత్రశతపత్ర-గతాలివర్గాః హర్తుం శ్రియం కువలయస్య నిజాఙ్గలక్ష్మ్యా । భేరీనినాదమివ బిభ్రతి తీవ్రనాదం శేషాద్రిశేఖరవిభో తవ సుప్రభాతమ్ ॥ ౧౨ ॥

  13. శ్రీమన్నభీష్ట-వరదాఖిలలోక-బన్ధో శ్రీశ్రీనివాస-జగదేకదయైకసిన్ధో । శ్రీదేవతాగృహభుజాన్తర-దివ్యమూర్తే శ్రీవేఙ్కటాచలపతే తవ సుప్రభాతమ్ ॥ ౧౩ ॥

  14. శ్రీస్వామిపుష్కరిణికాప్లవనిర్మలాఙ్గాః శ్రేయోఽర్థినో హర-విరిఞ్చి-సనన్దనాద్యాః । ద్వారే వసన్తి వరవేత్ర-హతోత్తమాఙ్గాః శ్రీవేఙ్కటాచలపతే తవ సుప్రభాతమ్ ॥ ౧౪ ॥

  15. శ్రీశేషశైల-గరుడాచల-వేఙ్కటాద్రి- -నారాయణాద్రి-వృషభాద్రి-వృషాద్రి-ముఖ్యామ్ । ఆఖ్యాం త్వదీయ వసతేరనిశం వదన్తి శ్రీవేఙ్కటాచలపతే తవ సుప్రభాతమ్ ॥ ౧౫ ॥

  16. సేవాపరాః శివసురేశ-కృశానుధర్మ- -రక్షోమ్బునాథ-పవమాన-ధనాదినాథాః । బద్ధాఞ్జలి-ప్రవిలసన్నిజ-శీర్షదేశాః శ్రీవేఙ్కటాచలపతే తవ సుప్రభాతమ్ ॥ ౧౬ ॥

  17. ధాటీషు తే విహగరాజ-మృగాధిరాజ- -నాగాధిరాజ-గజరాజ-హయాధిరాజాః। స్వస్వాధికార-మహిమాధికమర్థయన్తే శ్రీవేఙ్కటాచలపతే తవ సుప్రభాతమ్ ॥ ౧౭ ॥

  18. సూర్యేన్దుభౌమ-బుధవాక్పతి-కావ్యసౌరి- -స్వర్భానుకేతుదివిషత్పరిషత్ప్రధానాః । త్వద్దాసదాసచరమావధి-దాసదాసాః శ్రీవేఙ్కటాచలపతే తవ సుప్రభాతమ్ ॥ ౧౮ ॥

  19. త్వత్పాద-ధూలిభరిత-స్ఫురితోత్తమాఙ్గాః స్వర్గాపవర్గ-నిరపేక్ష-నిజాన్తరఙ్గాః । కల్పాగమాకలనయాకులతాం లభన్తే శ్రీవేఙ్కటాచలపతే తవ సుప్రభాతమ్ ॥ ౧౯ ॥

  20. త్వద్గోపురాగ్రశిఖరాణి నిరీక్షమాణాః స్వర్గాపవర్గపదవీం పరమాం శ్రయన్తః । మర్త్యా మనుష్యభువనే మతిమాశ్రయన్తే శ్రీవేఙ్కటాచలపతే తవ సుప్రభాతమ్ ॥ ౨౦ ॥

  21. శ్రీభూమినాయక దయాదిగుణామృతాబ్ధే దేవాధిదేవ జగదేకశరణ్యమూర్తే । శ్రీమన్ననన్త గరుడాదిభిరర్చితాణ్ఘ్రే శ్రీవేఙ్కటాచలపతే తవ సుప్రభాతమ్ ॥ ౨౧ ॥

  22. శ్రీపద్మనాభ పురుషోత్తమ వాసుదేవ వైకుణ్ఠ మాధవ జనార్దన చక్రపాణే । శ్రీవత్సచిన్హ శరణాగతపారిజాత శ్రీవేణ్కటాచలపతే తవ సుప్రభాతమ్ ॥ ౨౨ ॥

  23. కన్దర్పదర్ప హరసున్దర దివ్యమూర్తే కాన్తాకుచామ్బురుహ కుట్మల లోలదృష్టే । కల్యాణనిర్మలగుణాకర దివ్యకీర్తే శ్రీవేణ్కటాచలపతే తవ సుప్రభాతమ్ ॥ ౨౩ ॥

  24. మీనాకృతే కమఠ కోల నృసింహ వర్ణిన్ స్వామిన్ పరశ్వథతపోధన రామచన్ద్ర । శేషాంశరామ యదునన్దన కల్కిరూప శ్రీవేణ్కటాచలపతే తవ సుప్రభాతమ్ ॥ ౨౪ ॥

  25. ఏలా లవణ్గ ఘనసార సుగన్ధి తీర్థం దివ్యం వియత్సరితి హేమఘటేషు పూర్ణమ్ । ధృత్వాఽఽద్య వైదిక శిఖామణయః ప్రహృష్టాః తిష్ఠన్తి వేణ్కటపతే తవ సుప్రభాతమ్ ॥ ౨౫ ॥

  26. భాస్వానుదేతి వికచాని సరోరుహాణి సంపూరయన్తి నినదైః కకుభో విహణ్గాః । శ్రీవైష్ణవాస్సతతమర్థిత మణ్గలాస్తే ధామాఽఽశ్రయన్తి తవ వేణ్కట సుప్రభాతమ్ ॥ ౨౬ ॥

  27. బ్రహ్మాదయః సురవరాస్సమహర్షయస్తే సన్తస్సనన్దన ముఖాస్త్వథ యోగివర్యాః । ధామాన్తికే తవ హి మణ్గలవస్తు హస్తాః శ్రీవేణ్కటాచలపతే తవ సుప్రభాతమ్ ॥ ౨౭ ॥

  28. లక్ష్మీనివాస నిరవద్యగుణైకసిన్ధో సంసార సాగర సముత్తరణైకసేతో । వేదాన్తవేద్యనిజవైభవ భక్తభోగ్య శ్రీవేఙ్కటాచలపతే తవ సుప్రభాతమ్ ॥ ౨౮ ॥

  29. ఇత్థం వృషాచలపతేరిహ సుప్రభాతం యే మానవాః ప్రతిదినం పఠితుం ప్రవృత్తాః । తేషాం ప్రభాతసమయే స్మృతిరఙ్గభాజాం ప్రజ్ఞాం పరార్థసులభాం పరమాం ప్రసూతే ॥ ౨౯ ॥

ఈ పాఠం, మూలాల గురించి

అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.

श्रीवेङ्कटेशसुप्रभातम्

Prativadi Bhayankaram Annan, traditional attribution; sa.wikisource.org contributors. Revision history is linked from the source.

సవరణ 302875 · సేకరించిన తేదీ 2026-10-18

Historical Sanskrit morning hymn attributed to the 15th-century composer Prativadi Bhayankaram Annan. Original verses only; Wikisource contributor transcription retained with attribution and CC BY-SA terms.

Original-language verse text only, selected with .mw-parser-output > p:nth-of-type(n+2):not(:last-of-type), .mw-parser-output > pre:nth-of-type(n+3):not(:last-of-type); HTML, navigation, editorial line numbers and commentary outside the selector omitted; whitespace normalized. No translation added.

CC-BY-SA-4.0
పాఠం, మూల వివరాలు దిగుమతి