భక్తిలక్ష్మీదేవి

संस्कृतम् · Vedic tradition

శ్రీసూక్తమ్

Sri Suktam

లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.

  1. ఓం హిరణ్యవర్ణామ హరిణీం సువర్ణరజతస్రజామ్। చన్ద్రాం హిరణ్మయీం లక్ష్మీం జాతవేదో మ ఆవహ॥౧॥

  2. తాం మ ఆవహ జాతవేదో లక్ష్మీమనపగామినీమ్। యస్యాం హిరణ్యం విన్దేయం గామశ్వం పురుషానహమ్॥౨॥

  3. అశ్వపూర్వాం రథమధ్యాం హస్తినాదప్రబోధినీమ్। శ్రియం దేవీముపహ్వయే శ్రీర్మాదేవీ జుషతామ్॥౩॥

  4. కాంసోస్మితాం హిరణ్యప్రాకారాం ఆద్రాం జ్వలన్తీం తృప్తాం తర్పయన్తీమ్। పద్మేస్థితాం పద్మవర్ణాం తామిహోపహ్వయేశ్రియమ్॥౪॥

  5. చన్ద్రాం ప్రభాసాం యశసా జ్వలన్తీం శ్రియంలోకే దేవ జుష్టాముదారామ్। తాం పద్మినీమీం శరణమహం ప్రపద్యేఽలక్ష్మీర్మే నశ్యతాం త్వాం వృణే॥౫॥

  6. ఆదిత్యవర్ణే తపసోఽధిజాతో వనస్పతిస్తవవృక్షోథ బిల్వ:। తస్య ఫలాని తపసానుదన్తు మాయాన్తరాయాశ్చ బాహ్యా అలక్ష్మీ:॥౬॥

  7. ఉపైతు మాం దేవసఖ: కీర్తిశ్చమణినా సహ। ప్రాదుర్భుతో సురాష్ట్రేఽస్మిన్ కీర్తిమృధ్దిం దదాతు మే॥౭॥

  8. క్షుత్పపాసామలాం జేష్ఠాం అలక్ష్మీం నాశయామ్యహమ్। అభూతిమసమృధ్దిం చ సర్వానిర్ణుద మే గృహాత॥౮॥

  9. గన్ధద్వారాం దురాధర్షాం నిత్యపుష్టాం కరీషిణీమ్। ఈశ్వరిం సర్వభూతానాం తామిహోపహ్వయే శ్రియమ్॥౯॥

  10. మనస: కామమాకూతిం వాచ: సత్యమశీమహి। పశూనాం రూపమన్నస్య మయి శ్రీ: శ్రేయతాం యశ:॥౧౦॥

  11. కర్దమేనప్రజాభూతా మయిసంభవకర్దమ। శ్రియం వాసయమేకులే మాతరం పద్మమాలినీమ్॥౧౧॥

  12. ఆప స్రజన్తు సిగ్ధాని చిక్లీత వస మే గృహే। ని చ దేవీం మాతరం శ్రియం వాసయ మే కులే॥౧౨॥

  13. ఆర్ద్రాం పుష్కరిణీం పుష్టి పిఙ్గలాం పద్మమాలినీమ్। చన్ద్రాం హిరణ్మయీం లక్ష్మీం జాతవేదో మ ఆవహ॥౧౩॥

  14. ఆర్ద్రాం య: కరిణీం యష్టీం సువర్ణాం హేమమాలినీమ్। సూర్యాం హిరణ్మయీం లక్ష్మీ జాతవేదో మ ఆవహ॥౧౪॥

  15. తాం మ ఆవహ జాతవేదో లక్ష్మీమనపగామినీమ్। యస్యాం హిరణ్యం ప్రభూతం గావో దాస్యోశ్వాన్ విన్దేయం పురుషానహమ్॥౧౫॥

  16. య: శుచి: ప్రయతోభూత్వా జుహుయాాదాజ్యమన్వహమ్। సూక్తం పఞ్చదశర్చ చ శ్రీకామ: సతతం జపేత్॥౧౬॥

  17. పద్మాననే పద్మఉరూ పద్మాక్షి పద్మసంభవే। తన్మే భజసి పద్మక్షి యేన సౌఖ్యం లభామ్యహమ్॥౧౭॥

  18. అశ్వదాయై గోదాయై ధనదాయై మహాధనే। ధనం మే లభతాం దేవి సర్వకామాంశ్చ దేహి మే॥౧౮॥

  19. పద్మాననే పద్మవిపత్రే పద్మప్రియే పద్మదలాయతాక్షి। విశ్వప్రియే విష్ణుమనోనుకూలే త్వత్పాదపద్మం మయి సంనిధస్త్వం॥౧౯॥

  20. పుత్రపౌత్రం ధనంధాన్యం హస్తాశ్వాదిగవేరథమ్। ప్రజానాం భవసి మాతా ఆయుష్మన్తం కరోతు మే॥౨౦॥

  21. ధనమగ్నిర్ధనం వాయుర్ధనం సూర్యోధనం వసు। ధనమిన్ద్రో బృహస్పతిర్వరూణం ధనమస్తు మే॥౨౧॥

  22. వైనతేయ సోమం పిబ సోమం పిబతు వృతహా। సోమం ధనస్య సోమినో మహ్యం దదాతు సోమిన:॥౨౨॥

  23. న క్రోధో న చ మాత్సర్య న లోభో నాశుభామతి:। భవన్తి కృతపుణ్యానాం భక్తానాం శ్రీసూక్తం జపేత్॥౨౩॥

  24. సరసిజనిలయే సరోజహస్తే ధవలతరాంసుకగన్ధమాల్యశోభే। భగవతి హరివల్లభే మనోజ్ఞే త్రిభువనభూతికరి ప్రసీదమహ్యమ్॥౨౪॥

  25. విష్ణుపత్నీం క్షమాం దేవీ మాధవీ మాధవప్రియామ్। లక్ష్మీం ప్రియసఖీం దేవీం నమామ్యచ్యుతవల్లభామ్॥౨౫॥

  26. మహాలక్ష్మీ చ విద్మహే విష్ణుపత్నీ చ ధీమహి। తన్నో లక్ష్మీ: ప్రచోదయాత్॥౨౬॥

  27. శ్రీవర్చస్వమాయుష్యమారోగ్యమావిధాచ్ఛోభమానం మహీయతే। ధాన్యం ధనం పశుం బహుపుత్రలాభం శతసంవత్సరం దీర్ఘమాయు:॥౨౭॥

  28. ॥ఇతి శ్రీసూక్తం సమాప్తమ॥

ఈ పాఠం, మూలాల గురించి

అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.

श्रीसूक्तम्

Vedic tradition; sa.wikisource.org contributors. Revision history is linked from the source.

సవరణ 287919 · సేకరించిన తేదీ 2026-10-18

Ancient Vedic Sanskrit hymn, original words only. Wikisource contributor transcription retained with attribution and CC BY-SA terms.

Original-language verse text only, selected with .poem; HTML, navigation, editorial line numbers and commentary outside the selector omitted; whitespace normalized. No translation added.

CC-BY-SA-4.0
పాఠం, మూల వివరాలు దిగుమతి