संस्कृतम् · Ravana, traditional attribution
శివతాణ్డవస్తోత్రమ్
Shiva Tandava Stotram
లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.
॥అథ సుసంశుద్ధం రావణకృతశివతాణ్డవస్తోత్రమ్॥
జటాఽటవీగలజ్జలప్రవాహపావితస్థలే గలేఽవలమ్బ్య లమ్బితాం భుజఙ్గతుఙ్గమాలికామ్। డమడ్డమడ్డమడ్డమన్నినాదవడ్డమర్వయం చకార చణ్డతాణ్డవం తనోతు నః శివః శివమ్ ॥౧॥
జటాకటాహసమ్భ్రమభ్రమన్నిలిమ్పనిర్ఝరీవిలోలవీచివల్లరీవిరాజమానమూర్ద్ధని। ధగద్ధగద్ధగజ్జ్వలల్లలాటపట్టపావకే కిశోరచన్ద్రశేఖరే రతిః ప్రతిక్షణం మమ ॥౨॥
ధరాధరేన్ద్రనన్దినీవిలాసబన్ధుబన్ధురస్ఫురద్దిగన్తసన్తతిప్రమోదమానమానసే। కృపాకటాక్షధోరణీనిరుద్ధదుర్ధరాపది క్వచిద్దిగమ్బరే మనో వినోదమేతు వస్తుని ॥౩॥
జటాభుజఙ్గపిఙ్గలస్ఫురత్ఫణామణిప్రభాకదమ్బకుఙ్కుమద్రవప్రలిప్తదిగ్వధూముఖే। మదాన్ధసిన్ధురాసురత్వగుత్తరీయమేదురే మనో వినోదమద్భుతం బిభర్తు భూతభర్తరి ॥౪॥
సహస్రలోచనప్రభృత్యశేషలేఖశేఖరప్రసూనధూలిధోరణీవిధూసరాఙ్ఘ్రిపీఠభూః। భుజఙ్గరాజమాలయా నిబద్ధజాటజూటకః శ్రియే చిరాయ జాయతాం చకోరబన్ధుశేఖరః ॥౫॥
లలాటచత్వరజ్వలద్ధనఞ్జయస్ఫులిఙ్గభానిపీతపఞ్చసాయకం నమన్నిలిమ్పనాయకమ్। సుధామయూఖలేఖయా విరాజమానశేఖరం మహః కపాలి సమ్పదే సరిజ్జటాలమస్తు నః ॥౬॥
కరాలభాలపట్టికాధగద్ధగద్ధగజ్జ్వలద్ధనఞ్జయాహుతీకృతప్రచణ్డపఞ్చసాయకే। ధరాధరేన్ద్రనన్దినీకుచాగ్రచిత్రపత్రకప్రకల్పనైకశిల్పిని త్రిలోచనే రతిర్మమ ॥౭॥
నవీనమేఘమణ్డలీనిరుద్ధదుర్ధరస్ఫురత్కుహూనిశీథినీతమఃప్రబన్ధబద్ధకన్ధరః। నిలిమ్పనిర్ఝరీధరస్తనోతు కృత్తిసిన్ధురః కలానిధానబన్ధురః శ్రియం జగద్ధురన్ధరః ॥౮॥
ప్రఫుల్లనీలపఙ్కజప్రపఞ్చకాలిమప్రభాఽవలమ్బికణ్ఠకన్దలీరుచిప్రబద్ధకన్ధరమ్। స్మరచ్ఛిదం పురచ్ఛిదం భవచ్ఛిదం మఖచ్ఛిదం గజచ్ఛిదాన్ధకచ్ఛిదం తమన్తకచ్ఛిదం భజే ॥౯॥
అఖర్వసర్వమఙ్గలాకలాకదమ్బమఞ్జరీరసప్రవాహమాధురీవిజృమ్భణామధువ్రతమ్। స్మరాన్తకం పురాన్తకం భవాన్తకం మఖాన్తకం గజాన్తకాన్ధకాన్తకం తమన్తకాన్తకం భజే ॥౧౦॥
జయత్వదభ్రవిభ్రమభ్రమద్భుజఙ్గమశ్వసద్వినిర్గమత్క్రమస్ఫురత్కరాలభాలహవ్యవాట్। ధిమిద్ధిమిద్ధిమిద్ధ్వనన్మృదఙ్గతుఙ్గమఙ్గలధ్వనిక్రమప్రవర్తితప్రచణ్డతాణ్డవః శివః ॥౧౧॥
దృషద్విచిత్రతల్పయోర్భుజఙ్గమౌక్తికస్రజోర్గరిష్ఠరత్నలోష్ఠయోః సుహృద్విపక్షపక్షయోః। తృణారవిన్దచక్షుషోః ప్రజామహీమహేన్ద్రయోః సమప్రవృత్తికః కదా సదాశివం భజామ్యహమ్ ॥౧౨॥
కదా నిలిమ్పనిర్ఝరీనికుఞ్జకోటరే వసన్ విముక్తదుర్మతిః సదా శిరఃస్థమఞ్జలిం వహన్। విముక్తలోలలోచనాలలామభాలలగ్నకం శివేతి మన్త్రముచ్చరన్ కదా సుఖీ భవామ్యహమ్ ॥౧౩॥
నిలిమ్పనాథనాగరీకదమ్బమౌలమల్లికానిగుమ్ఫనిర్భరక్షరన్మధూష్ణికామనోహరః। తనోతు నో మనోముదం వినోదినీమహర్నిశం పరశ్రియః పరం పదం తదఙ్గజత్విషాం చయః ॥౧౪॥
ప్రచణ్డవాడవానలప్రభాశుభప్రచారణీ మహాష్టసిద్ధికామినీజనాఽవహూతజల్పనా। విముక్తవామలోచనావివాహకాలికధ్వనిః శివేతి మన్త్రభూషణా జగజ్జయాయ జాయతామ్ ॥౧౫॥
ఇమం హి నిత్యమేవముక్తముత్తమోత్తమం స్తవం పఠన్స్మరన్బ్రువన్నరో విశుద్ధిమేతిసన్తతమ్। హరే గురౌ సుభక్తిమాశు యాతి నాఽన్యథా గతిం విమోహనం హి దేహినాం సుశఙ్కరస్య చిన్తనమ్ ॥౧౬॥
పూజావసానసమయే దశవక్త్రగీతం యః శమ్భుపూజనపరం పఠతి ప్రదోషే। తస్య స్థిరాం రథగజేన్ద్రతురఙ్గయుక్తాం లక్ష్మీం ప్రసాదసమయే ప్రదదాతి శమ్భుః ॥
ఈ పాఠం, మూలాల గురించి
అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.
Ravana, traditional attribution; sa.wikisource.org contributors. Revision history is linked from the source.
సవరణ 418608 · సేకరించిన తేదీ 2026-10-18
Original historical composition by Ravana, traditional attribution, predating modern copyright terms. Imported from the free-content Wikisource edition, without modern translations or commentary; contributor material is retained under CC BY-SA 4.0. Source revision and work categories are preserved for edition review.
Original-language verse text only, selected with .mw-parser-output > p; HTML, navigation, editorial line numbers and commentary outside the selector omitted; whitespace normalized. No translation added.
CC-BY-SA-4.0