భక్తిశ్రీరాముడు

संस्कृतम् · Budha Kaushika, traditional attribution

రామరక్షాస్తోత్రమ్

Rama Raksha Stotram

లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.

  1. ఓం శ్రీగణేశాయ నమః । అస్య శ్రీరామరక్షాస్తోత్రమన్త్రస్య । బుధకౌశికఋషిః । శ్రీసీతారామచన్ద్రో దేవతా । అనుష్ఠుప్ ఛ్న్దః । సీతా శక్తిః । శ్రీమద్ధనుమాన్ కీలకమ్ । శ్రీరామచన్ద్రప్రిత్యర్థే జపే వినియోగః ।

  2. అథ ధ్యానమ్ । ధ్యాయేదాజానుబాహుం ధ్రుతశరధనుషం బదధపద్మాసనస్తం । పీతం వాసో వసానం నవకమలదలస్పర్ధినేత్రం ప్రసన్నమ్ । వామాఙ్కారుఢసీతా ముఖకమలమిలల్లోచనం నీరదాభం । నానాలఙ్కారదీప్తం దధతమురుజటామణ్డనం రామచన్ద్రమ్ ॥ ఇతి ధ్యానమ్ ।

  3. చరితం రఘునాథస్య శతకోటిప్రవిస్తరమ్ । ఏకైకమక్షరమ్ పుంసాం మహాపాతకనాశనమ్ ॥౧॥

  4. ధ్యాత్వా నీలోత్పలశ్యామం రామం రాజీవలోచనమ్ । జానకీలక్ష్మణోపేతం జటాముకుటమణ్డితమ్ ॥౨॥

  5. సాసితూణధనుర్బాణపాణిం నక్తంచరాన్తకమ్ । స్వలీలయా జగతత్రాతుభావిర్భూతమజం విభుమ్ ॥౩॥

  6. రామరక్షాం పఠేత్ ప్రాజ్ఞః పాపన్ఘీం సర్వకామదామ్ । శిరో మే రాఘవః పాతు భాలం దశరథాత్మజః ॥౪॥

  7. కౌసల్యేయో ధ్రుశౌ పాతు విశ్వామిత్రప్రియః శ్రుతీ । ఘ్రాణం పాతు మఖత్రాతా ముఖం సౌమిత్రివత్సలః ॥౫॥

  8. జివ్హాం విద్యానిధిః పాతు కణ్ఠం భరతవన్దితః । స్కన్ధౌ దివ్యాయుధః పాతు భుజౌ భగ్నేశకార్ముకః ॥౬॥

  9. కరౌ సితాపతిః పాతు హ్ర్దయం జామదగ్న్యజిత్ । మధ్యం పాతు ఖరధ్వంసీ నాభిం జామ్బవదాశ్రయః ॥౭॥

  10. సుగ్రీవేశః కటీ పాతు సక్థినీ హనుమత్ప్రభుః । ఊరూ రఘూత్తమః పాతు రక్షఃకులవినాశకృత్ ॥౮॥

  11. జానునీ సేతుకృత్పాతు జంఘే దశముఖాన్తకః । పాదౌ బిభీషణశ్రీదః పాతు రామోఽఖిలం వపుః ॥౯॥

  12. ఏతాం రామబలోపేతాం రక్షాం యః సుకృతీ పఠేత్ । స చిరాయుః సుఖీ పుత్రీ విజయీ వినయీ భవేత్ ॥౧౦॥

  13. పాతాలభూతలవ్యోమచారిణశ్ఛద్మచారిణః । న ద్రష్టుమపి శక్తాస్తే రక్షితం రామనామభిః ॥౧౧॥

  14. రామేతి రామభద్రేతి రామచన్ద్రేతి వా స్మరన్ । నరో న లిప్యతే పాపైర్భుక్తిం ముక్తిం చ విన్దతి ॥౧౨॥

  15. జగజ్జైత్రైకమన్త్రేణ రామనామాభిరక్షితమ్ । యః కణ్ఠే ధారయేత్తస్య కరస్థాః సర్వసిద్ధయః ॥౧౩॥

  16. వజ్రపఞ్జరనామేదం యో రామకవచం స్మరేత్ । అవ్యాహతాజ్ఞః సర్వత్ర లభతే జయమఙ్గలమ్ ॥౧౪॥

  17. ఆదిష్టవాన్ యథా స్వప్నే రామరక్షామిమాం హరః । తథా లిఖితవాన్ ప్రాతః ప్రబుద్ధో బుధకౌశికః ॥౧౫॥

  18. ఆరామః కల్పవృక్షాణాం విరామః సకలాపదామ్ । అభిరామస్త్రిలోకానాం రామః శ్రీమాన్ స నః ప్రభుః ॥౧౬॥

  19. తరుణౌ రూపసంపన్నౌ సుకుమారౌ మహాబలౌ । పుణ్డరీకవిశాలాక్షౌ చీరకృష్ణాజినామ్బరౌ ॥౧౭॥

  20. ఫలమూలాశినౌ దాన్తౌ తాపసౌ బ్రమ్హచారిణౌ । పుత్రౌ దశరథస్యైతౌ భ్రాతరౌ రామలక్ష్మణౌ ॥౧౮॥

  21. శరణ్యౌ సర్వసత్త్వానాం శ్రేష్ఠౌ సర్వధనుష్మతామ్ । రక్షః కులనిహన్తారౌ త్రాయేతాం నో రఘూత్తమౌ ॥౧౯॥

  22. ఆత్తసజ్యధనుషావిషుస్పృశావక్షయాశుగనిషడ్గసడ్గినౌ । రక్షణాయమమ రామలక్ష్మణావగ్రతః పథి సదైవ గచ్ఛతామ్ ॥౨౦॥

  23. సంనద్ధః కవచీ ఖడ్గీ చాపబాణోధరో యువా । గచ్ఛ్న్ మనోరథోఽస్మాకం రామః పాతు సలక్ష్మణః ॥౨౧॥

  24. రామో దాశరథిః శూరో లక్ష్మణానుచరో బలీ । కాకుత్స్థః పురుషః పూర్ణః కౌసల్యేయో రఘూత్తమః ॥౨౨॥

  25. వేదాన్తవేద్యో యజ్ఞేశః పురాణపురుషోత్తమః । జానకీవల్లభః శ్రీమానప్రమేయపరాక్రమః ॥౨౩॥

  26. ఇత్యేతాని జపన్ నిత్యం మద్భక్తః శ్రద్ధయాన్వితః । అశ్వమేధాధికం పుణ్యం సంప్రాప్నోతి న సంశయః ॥౨౪॥

  27. రామం దూర్వాదలశ్యామం పద్మాక్షం పీతవాససమ్ । స్తువన్తి నామభిర్దివ్యైః న తే సంసారిణో నరః ॥౨౫॥

  28. రామం లక్ష్మణపూర్వజం రఘువరం సీతాపతిం సున్దరం । కాకుత్స్థం కరుణార్ణవం గుణనిధిం విప్రప్రియం ధార్మికమ్ । రాజేన్ద్రం సత్యసన్ధం దశరథనయం శ్యామలం శాన్తమూర్తిం । వన్దే లోకాభిరామం రఘుకులతిలకం రాఘవం రావణారిమ్ ॥౨౬॥

  29. రామాయ రామభద్రాయ రామచంద్రాయ వేధసే । రఘునాథాయ నాథాయ సీతాయాః పతయే నమః ॥౨౭॥

  30. శ్రీరామ రామ రఘునన్దన రామ రామ । శ్రీరామ రామ భరతాగ్రజ రామ రామ । శ్రీరామ రామ రణకర్కశ రామ రామ । శ్రీరామ రామ శరణం భవ రామ రామ ॥౨౮॥

  31. శ్రీరామచన్ద్రచరణౌ మనసా స్మరామి । శ్రీరామచన్ద్రచరణౌ వచసా గృణామి । శ్రీరామచన్ద్రచరణౌ శిరసా నమామి । శ్రీరామచన్ద్రచరణౌ శరణం ప్రపద్యే ॥౨౯॥

  32. మాతా రామో మత్పితా రామచన్ద్రః । స్వామి రామో మత్సఖా రామచన్ద్రః । సర్వస్వం మే రామచన్ద్రో దయాలుః నాన్యం । జానే నైవ జానే న జానే ॥౩౦॥

  33. దక్షిణే లక్ష్మణో యస్య వామే తు జనకాత్మజా । పురతో మారుతిర్యస్య తం వన్దే రఘునన్దనమ్ ॥౩౧॥

  34. లోకాభిరామం రణరఙ్గధీరం రాజీవనేత్రం రఘువంశనాథమ్ । కారుణ్యరూపం కరుణాకరం తం శ్రీరామచన్ద్రం శరణం ప్రపద్యే॥౩౨॥

  35. మనోజవం మారుతతుల్యవేగం । జితేద్రియం దుద్ధిమతాం వరిష్ఠం । వాతాత్మజం వానరయూథముఖ్యం । శ్రీరామదూతం శరణం ప్రపద్యే ॥౩౩॥

  36. కూజన్తం రామరామేతి మధురం మధురాక్షరమ్ ఆరుహ్య కవితాశాఖాం వన్దే వాల్మీకికోకిలమ్ ॥౩౪॥

  37. ఆపదామపహర్తారం దాతారం సర్వసంపదామ్ । లోకాభిరామం శ్రీరామం భూయో భూయో నమామ్యహమ్ ॥౩౫॥

  38. భర్జనం భవబీజానామర్జనం సుఖసంపదామ్ । తర్జనం యమదూతానాం రామరామేతి గర్జనమ్ ॥౩౬॥

  39. రామో రాజమణి సదా విజయతే రామం రమేశం భజే । రామేణాభిహతా నిశాచరచమూ రామాయ తస్మై నమః । రామాన్నాస్తి పరాయణం పరతరం రామస్య దాసోఽస్మయం । రామే చిత్తలయః సదా భవతు భో రామ మాముద్ధర ॥౩౭॥

  40. రామనామేతి రామేతి రమే రామే మనోరమే । సహస్రనామ తత్తుల్యం రామనామ వరాననే ॥౩౮॥

  41. ఇతి శ్రీబుధకౌశికవిరచితం శ్రీరామరక్షాస్తోత్రం సమ్పూర్ణమ్ ।

ఈ పాఠం, మూలాల గురించి

అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.

रामरक्षास्तोत्रम्

Budha Kaushika, traditional attribution; sa.wikisource.org contributors. Revision history is linked from the source.

సవరణ 403980 · సేకరించిన తేదీ 2026-10-18

Original historical composition by Budha Kaushika, traditional attribution, predating modern copyright terms. Imported from the free-content Wikisource edition, without modern translations or commentary; contributor material is retained under CC BY-SA 4.0. Source revision and work categories are preserved for edition review.

Original-language verse text only, selected with .poem; HTML, navigation, editorial line numbers and commentary outside the selector omitted; whitespace normalized. No translation added.

CC-BY-SA-4.0
పాఠం, మూల వివరాలు దిగుమతి