संस्कृतम् · Adi Shankara, traditional attribution
నిర్వాణషట్కమ్
Nirvana Shatkam
లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.
నిర్వాణషట్కమ్
మనోబుద్ధ్యహంకారచిత్తాని నాహం
న చ శ్రోత్రజిహ్వే న చ ఘ్రాణనేత్రే ।
న చ వ్యోమభూమిర్న తేజో న వాయుః
చిదానన్దరూపః శివోఽహం శివోఽహమ్ ॥౧॥
న చ ప్రాణసంజ్ఞో న వై పఞ్చవాయుః
న వా సప్తధాతుర్న వా పఞ్చకోశః ।
న వాక్పాణిపాదం న చోపస్థపాయూ
చిదానన్దరూపః శివోఽహం శివోఽహమ్ ॥౨॥
న మే ద్వేషరాగౌ న మే లోభమోహౌ
మదో నైవ మే నైవ మాత్సర్యభావః ।
న ధర్మో న చార్థో న కామో న మోక్షః
చిదానన్దరూపః శివోఽహం శివోఽహమ్ ॥౩॥
న పుణ్యం న పాపం న సౌఖ్యం న దుఃఖం
న మన్త్రో న తీర్థో న వేదా న యజ్ఞః ।
అహం భోజనం నైవ భోజ్యం న భోక్తా
చిదానన్దరూపః శివోఽహం శివోఽహమ్ ॥౪॥
న మే మృత్యుశఙ్కా న మే జాతిభేదః (అథవా) న మృత్యుర్న శఙ్కా న మే జాతిభేదః
పితా నైవ మే నైవ మాతా న జన్మ ।
న బన్ధుర్న మిత్రం గురుర్నైవ శిష్యః
చిదానన్దరూపః శివోఽహం శివోఽహమ్ ॥౫॥
అహం నిర్వికల్పో నిరాకారరూపః
విభుత్వాచ్చ సర్వత్ర సర్వేన్ద్రియాణామ్ (అథవా) విభుర్వ్యాప్య సర్వత్ర సర్వేన్ద్రియాణామ్ ।
న చాసఙ్గతం నైవ ముక్తిర్న మేయః (అథవా) సదా మే సమత్వం న ముక్తిర్న బన్ధః
చిదానన్దరూపః శివోఽహం శివోఽహమ్ ॥౬॥
ఈ పాఠం, మూలాల గురించి
అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.
Adi Shankara, traditional attribution; sa.wikisource.org contributors. Revision history is linked from the source.
సవరణ 411221 · సేకరించిన తేదీ 2026-10-18
Original historical composition by Adi Shankara, traditional attribution, predating modern copyright terms. Imported from the free-content Wikisource edition, without modern translations or commentary; contributor material is retained under CC BY-SA 4.0. Source revision and work categories are preserved for edition review.
Original-language verse text only, selected with .mw-parser-output > p; HTML, navigation, editorial line numbers and commentary outside the selector omitted; whitespace normalized. No translation added.
CC-BY-SA-4.0