భక్తిదేవి

संस्कृतम् · Traditional; authorship disputed

మహిషాసురమర్దినీ స్తోత్రమ్

Mahishasura Mardini Stotram

లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.

  1. అయిగిరినన్దిని నన్దితమేదిని విశ్వవినోదిని నన్దనుతే గిరివరవిన్ధ్య-శిరోధినివాసిని విష్ణువిలాసిని జిష్ణునుతే। భగవతి హే శితికణ్ఠకుటుమ్బిని భూరికుటుమ్బిని భూరికృతే జయ జయ హే మహిషాసురమర్దిని రమ్య కపర్దిని శైలసుతే॥౧॥

  2. సురవరవర్షిణి దుర్ధరధర్షిణి దుర్ముఖమర్షిణీ హర్షరతే త్రిభువనపోషిణి శంకరతోషిణి కిల్బిషమోషిణి ఘోషరతే। దనుజనిరోషిణి దితిసుతరోషిణి దుర్మదశోషిణి సిన్ధుసుతే జయ జయ హే మహిషాసురమర్దిని రమ్య కపర్దిని శైలసుతే॥౨॥

  3. అయి జగదమ్బ మదమ్బ కదమ్బవనప్రియవాసిని హాసరతే శిఖరిశిరోమణి తుఙ్గహిమాలయశృఙ్గనిజాలయమధ్యగతే। మధుమధురే మధుకైటభగఞ్జిని కైటభభఞ్జిని రాసరతే జయ జయ హే మహిషాసురమర్దిని రమ్య కపర్దిని శైలసుతే॥౩॥

  4. అయి శతఖణ్డవిఖణ్డితరుణ్డవితుణ్డితశుణ్డగజాధిపతే రిపుగజగణ్డవిదారణచణ్డపరాక్రమశుణ్డమృగాధిపతే। నిజభుజదణ్డనిపాతితఖణ్డవిపాతితముణ్డభటాధిపతే జయ జయ హే మహిషాసురమర్దిని రమ్య కపర్దిని శైలసుతే॥౪॥

  5. అయి రణదుర్మదశత్రువధోద్యతదుర్ధరనిర్జరశక్తిభృతే చతురవిచారధురీణమహాశివదూతకృతప్రమథాధిపతే। దురితదురీహదురాశయదుర్మతిదానవదూతకృతాన్తమతే జయ జయ హే మహిషాసురమర్దిని రమ్య కపర్దిని శైలసుతే॥౫॥

  6. అయి శరణాగతవైరివధూవరవీరవరాభయదానకరే త్రిభువనమస్తకశూలవిరోధిశిరోధికృతామలశూలకరే। దుమిదుమితామరదున్దుభినాదమహో ముఖరీకృతతిగ్మకరే జయ జయ హే మహిషాసురమర్దిని రమ్య కపర్దిని శైలసుతే॥౬॥

  7. అయి నిజహుఙ్కృతిమాత్రనిరాకృతధూమ్రవిలోచనధూమ్రశతే సమరవిశోషితశోణితబీజసముద్భవశోణితబీజలతే। శివశివశుమ్భనిశుమ్భమహాహవతర్పితభూతపిశాచరతే జయ జయ హే మహిషాసురమర్దిని రమ్య కపర్దిని శైలసుతే॥౭॥

  8. ధనురనుసంగరణక్షణసంగపరిస్ఫురదఙ్గనటత్కటకే కనకపిశఙ్గపృషత్కనిషఙ్గరసద్భటశృఙ్గహతాబటుకే। కృతచతురంగబలక్షితిరఙ్గఘటద్బహురఙ్గరటద్బటుకే జయ జయ హే మహిషాసురమర్దిని రమ్య కపర్దిని శైలసుతే॥౮॥

  9. సురలలనా-తతథేయి-తథేయి-కృతాభినయోదర-నృత్యరతే కృతకుకుథః కుకుథో గడదాదిక-తాల-కుతూహల-గానరతే। ధుధుకుట ధుక్కుట ధింధిమితధ్వనిధీరమృదఙ్గనినాదరతే జయ జయ హే మహిషాసురమర్దిని రమ్యకపర్దిని శైలసుతే॥౯॥

  10. జయ-జయ-జప్య-జయేజయశబ్ద-పరస్తుతి-తత్పరవిశ్వనుతే ఝణ-ఝణ-ఝిఞ్ఝిమి ఝిఙ్కృత నూపురసింజితమోహిత భూతపతే। నటితనటార్ధ నటీ నట నాయక నాటితనాట్య సుగానరతే జయ జయ హే మహిషాసురమర్దిని రమ్య కపర్దిని శైలసుతే॥౧౦॥

  11. అయి సుమనః సుమనః సుమనః సుమనః సుమనోహరకాంతియుతే శ్రితరజనీ-రజనీరజనీ-రజనీరజనీకర-వక్త్రవృతే। సునయనవిభ్రమర-భ్రమరభ్రమర-భ్రమరభ్రమరాధిపతే। జయ జయ హే మహిషాసురమర్దిని రమ్య కపర్దిని శైలసుతే॥౧౧॥

  12. సహితమహాహవ-మల్లమతల్లిక-మల్లితరల్లక-మల్లరతే విరచితవల్లిక-పల్లికమల్లిక-భిల్లికభిల్లిక-వర్గవృతే। సిత్కృత్పుల్లసముల్లసితారుణ-తల్లజ-పల్లవ-సల్లలితే జయ జయ హే మహిషాసురమర్దిని రమ్య కపర్దిని శైలసుతే॥౧౨॥

  13. అవిరలగణ్డ-గలన్మదమేదుర-మత్తమత్తంగజ-రాజపతే త్రిభివనభూషణభూత-కలానిధి-రూపపయోనిధి-రాజసుతే। అయి సుదతీజన-లాలసమానస-మోహనమన్మథరాజసుతే జయ జయ హే మహిషాసురమర్దిని రమ్య కపర్దిని శైలసుతే॥౧౩॥

  14. కమలదలామల-కోమలకాన్తి-కలా-కలితామల-భాలలతే సకలవిలాస-కలానిలయక్రమ-కేలిచలత్కల-హంసకులే। అలికులసఙ్కుల-కువలయమణ్డల-మౌలిమిలద్బకులాలికులే జయ జయ హే మహిషాసురమర్దిని రమ్య కపర్దిని శైలసుతే॥౧౪॥

  15. కరమురలీరవ-వీజితకూజిత-లజ్జితకోకిల-మఞ్జుమతే మిలితపులిన్ద-మనోహరగుంజిత-రంజితశైల-నికుఞ్జగతే। నిజగుణభూత-మహాశబరీగణ-సద్గుణసమ్భృత-కేలితలే జయ జయ హే మహిషాసురమర్దిని రమ్య కపర్దిని శైలసుతే॥౧౫॥

  16. కటితటపీత-దుకూలవిచిత్ర-మయూఖతిరస్కృత-చన్ద్రరుచే ప్రణతసురాసుర-మౌలిమణిస్ఫురదంశుల-సన్నఖ-చన్ద్రరుచే। జితకనకాచల-మౌలిపదోర్జిత-నిర్భరకుంజర-కుమ్భకుచే జయ జయ హే మహిషాసురమర్దిని రమ్య కపర్దిని శైలసుతే॥౧౬॥

  17. విజితసహస్ర-కరైక-సహస్ర-కరైక-సహస్ర-కరైకనుతే కృతసురతారక-సఙ్గరతారక-సఙ్గరతారక-సునూసుతే। సురథసమాధి-సమానసమాధి-సమాధి-సమాధి-సుజాతరతే జయ జయ హే మహిషాసురమర్దిని రమ్య కపర్దిని శైలసుతే॥౧౭॥

  18. పదకమలం కరుణానిలయే వరివస్యతి యోనుదినమ్ స శివే అయి కమలే కమలానిలయే కమలానిలయః స కథం న భవేత్। తవ పదమేవ పరమ్పదమిత్యనుశీలయతో మమ కిం న శివే జయ జయ హే మహిషాసురమర్దిని రమ్య కపర్దిని శైలసుతే॥౧౮॥

  19. కనకలసత్కలసిన్ధు-జలైరను-సిఞ్చినుతే గుణరఙ్గభువమ్ భజతి స కిం న శచీకుచకుమ్భతటీపరిరమ్భ-సుఖానుభవమ్। తవచరణం శరణఙ్కరవాణి నతామరవాణినివాసిశివమ్ జయ జయ హే మహిషాసురమర్దిని రమ్య కపర్దిని శైలసుతే॥౧౯॥

  20. తవ విమలేన్దుకులం వదనేన్దుమలం సకలం ననుకూలయతే కిము పురుహూతపురీన్దు-ముఖీ-సుముఖీభిరసౌ విముఖీక్రియతే। మమ తు మతం శివనామధనే భవతీ కృపయా కిముత క్రియతే జయ జయ హే మహిషాసురమర్దిని రమ్య కపర్దిని శైలసుతే॥౨౦॥

  21. అయి మయి దీన దయాలుతయా కృపయైవ త్వయా భవితవ్యముమే అయి జగతో జననీ కృపయాసి యథాసి తథానుమితాసిరతే। యదుచితమత్ర భవత్యురరీ-కురుతాదురుతాపమపాకురుతే జయ జయ హే మహిషాసురమర్దిని రమ్య కపర్దిని శైలసుతే॥౨౧॥

ఈ పాఠం, మూలాల గురించి

అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.

महिषासुरमर्दिनी स्तोत्रम्

Traditional; authorship disputed; sa.wikisource.org contributors. Revision history is linked from the source.

సవరణ 418763 · సేకరించిన తేదీ 2026-10-18

Premodern Sanskrit hymn, historical original words only. Authorship is disputed and not asserted here. Wikisource contributor transcription retained with attribution and CC BY-SA terms.

Original-language verse text only, selected with .mw-parser-output > p:nth-of-type(n+2):nth-of-type(-n+22); HTML, navigation, editorial line numbers and commentary outside the selector omitted; whitespace normalized. No translation added.

CC-BY-SA-4.0
పాఠం, మూల వివరాలు దిగుమతి