భక్తిదేవి

संस्कृतम् · Adi Shankara, traditional attribution

అన్నపూర్ణాస్తోత్రమ్

Annapurna Stotram

లిప్యంతరీకరణ మాత్రమే: మూల భాష మారదు, అర్థానువాదం కాదు. పోల్చడానికి మూల లిపిని ఎంచుకోండి. లిపిని బట్టి ఉచ్చారణ మారవచ్చు.

  1. ॥ అన్నపూర్ణాస్తోత్రమ్ ॥

  2. నిత్యానన్దకరీ వరాభయకరీ సౌన్దర్యరత్నాకరీ నిర్ధూతాఖిలఘోరపావనకరీ ప్రత్యక్షమాహేశ్వరీ । ప్రాలేయాచలవంశపావనకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౧॥

  3. నానారత్నవిచిత్రభూషణకరీ హేమామ్బరాడమ్బరీ ముక్తాహారవిలమ్బమానవిలసద్వక్షోజకుమ్భాన్తరీ । కాశ్మీరాగురూవాసితా రుచికరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౨॥

  4. యోగానన్దకరీ రిపుక్షయకరీ ధర్మాథనిష్ఠాకరీ చన్ద్రార్కానలభాసమానలహరీ త్రైలోక్యరక్షాకరీ । సర్వైశ్వర్యసమస్తవాంఛనకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౩॥

  5. కైలాసాచలకన్దరాలయకరీ గౌరీ ఉమాశఙ్కరీ కౌమారీ నిగమార్థగోచరకరీ ఓంకారబీజాక్షరీ । మోక్షవ్దారకపాటపాటనకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౪॥

  6. దృశ్యాదృశ్యవిభూతవాహనకరీ బ్రమ్హాణ్డభాణ్డోదరీ లీలానాటకసూత్రభేదనకరీ విజ్ఞానదీపాఙ్కురీ । శ్రీవిశ్వేశమనఃప్రసాదనకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౫॥

  7. ఉర్వీ సర్వజనేశ్వరీ భగవతీ మాతాన్నపూర్ణేశ్వరీ వేణీనీలసమానకున్తలహరీ నిత్యాన్నదానేశ్వరీ । సర్వానన్దకరీ సదాశుభకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౬॥

  8. ఆదిక్షాన్తిసమస్తవర్ణనకరీ శమ్భోస్త్రిభావాకరీ కాశ్మీరాత్రిపురేశ్వరీ త్రినయనీ నిత్యాఙ్కురా శర్వరీ । కామాకాఙ్క్షకరీ జనోదయకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౭॥

  9. దేవీ సర్వవిచిత్రరత్నరచితా దాక్షాయణీ సున్దరీ వామా స్వాదుపయోగధరప్రియకరీ సౌభాగ్యమాహేశ్వరీ । భక్తాభీష్టకరీ దశాశుభహరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౮॥

  10. చన్ద్రార్కాలయకోటికోటిసదృశా చన్ద్రాంశుబిమ్బాధరీ చన్ద్రార్కాగ్నిసమానకుండలధరీ చన్ద్రార్కవర్ణేశ్వరీ । మాలాపుస్తకపాశసాంకుశధరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౯॥

  11. క్షత్రత్రాణకరీ మహాఽభయకరీ మాతా కృపాసాగరీ సాక్షాన్మోక్షకరీ సదా శివకరీ విశ్వేశ్వరీ శ్రీధరీ । దక్షాక్రన్దకరీ నిరామయకరీ కాశీపురాధీశ్వరీ భిక్షాం దేహి కృపావలమ్బనకరీ మాతాన్నపూర్ణేశ్వరీ ॥౧౦॥

  12. భగవతి భవరోగాత్పీడితం దుష్కృతోత్థాత్ సుతదుహితృకలత్రోపద్రవేణానుయాతమ్ । విలసదమృతదృష్ట్యా వీక్ష్య విభ్రాన్తచిత్తం సకలభువనమాతస్త్రాహి మామోం నమస్తే ॥౧౧॥

  13. మాహేశ్వరీమాశ్రితకల్పవల్లీమహమ్భవోచ్ఛేదకరీం భవానీంమ్ । క్షుధార్తజాయాతనయాద్యుపేతస్త్వామన్నపూర్ణే శరణం ప్రపద్యే ॥౧౨॥

  14. దారిద్ర్యదావానలదహ్యమానం పాహ్యన్నపూర్ణే గిరిరాజకన్యే । కృపామ్బుధౌ మజ్జయ మాం త్వదీయే త్వత్పాదపద్మార్పితచిత్తవృత్తిమ్ ॥౧౩॥

  15. అన్నపూర్ణే సదా పూర్ణే శఙ్కరప్రాణవల్లభే । జ్ఞానవైరాగ్యసిద్ధ్యర్థం భిక్షాం దేహి చ పార్వతి ॥౧౪॥

  16. మాతా చ పార్వతీ దేవీ పితా దేవో మహేశ్వరః । బాన్ధవాః శివభక్తాశ్చ స్వేదేశో భువనత్రయమ్ ॥౧౫॥

  17. ఆన్నపూర్ణ దేవీ

ఈ పాఠం, మూలాల గురించి

అనుసంధానించిన మూలాన్ని అనుసరించిన పాఠం. లేఖన దోషాలు లేదా ప్రాంతీయ భేదాలు ఉండవచ్చు. అర్థానువాదం చేర్చలేదు. ఈ పాఠాన్ని పూర్తిగా స్వతంత్రంగా సరిచూడలేదు.

अन्नपूर्णास्तोत्रम्

Adi Shankara, traditional attribution; sa.wikisource.org contributors. Revision history is linked from the source.

సవరణ 180872 · సేకరించిన తేదీ 2026-10-18

Original historical composition by Adi Shankara, traditional attribution, predating modern copyright terms. Imported from the free-content Wikisource edition, without modern translations or commentary; contributor material is retained under CC BY-SA 4.0. Source revision and work categories are preserved for edition review.

Original-language verse text only, selected with .mw-parser-output > p; HTML, navigation, editorial line numbers and commentary outside the selector omitted; whitespace normalized. No translation added.

CC-BY-SA-4.0
పాఠం, మూల వివరాలు దిగుమతి